A A A A A
Bible Book List

भजन संहिता 144Awadhi Bible: Easy-to-Read Version (ERV-AWA)

दाऊद क गीत।

144 यहोवा मोर चट्टान अहइ।
    यहोवा क धन्य कहा।
यहोवा मोका लड़ाई बरे प्रसिच्छण देत अहइ।
    यहोवा मोका जुद्ध बरे प्रसिच्छण देत अहइ।
यहोवा मोसे पिरेम रखत ह।
    उ मोर किला अहइ।
उ पर्वत क ऊपर, मोर ऊँच सुरच्छा क सरण अहइ।
    उ मोका बचावत ह।
उ मोर ढाल अहइ।
    मइँ ओकरे भरोसे हउँ।
    उ मोरे लोगन पइ राज्ज करइ मँ मोर मदद करत ह।

हे यहोवा, मानव जाति तोहरे बरे काहे महत्वपूर्ण बना अहइँ?
    तू मानव जाति पइ काहे धियान देत अहा?
मनई क जिन्नगी एक फूँक क तरह होत ह।
    मनई क जिन्नगी ढलत भइ छाया क तरह होत ह।

अकासे क चीरके खाले उतरि आवा।
    पहाड़न क छुइ ल्या ताकि ओनसे धुआँ उठइ लाग।
हे यहोवा, बिजुरियन पठइ द्या अउर मोरे दुस्मनन क कहूँ दूर भगाइ द्या।
    आपन बाणन क चलावा अउर ओनका मजबूर करा कि उ पचे कहूँ पराइ जाइँ।
अकासे स मदद पठवा अउर मोका मुक्त करा अउ मोका बचाइ ल्या।
    एन, दुस्मनन क सागर मँ मोका जिन बूड़इ द्या।
    मोका ऍन बिदेसियन स बचाइ ल्या।
इ सबइ दुस्मन लबार अहइँ।
    उ पचे धोखेबाज़ अहइँ।

हे यहोवा, मइँ नवा गीत गाउब तोहरे ओन अद्भुत कर्मन क तू जेनका करत ह।
    मइँ तोहार जस दस तार वाली वीणा पइ गाउब।
10 तू राजा लोगन क मदद ओनकर जुद्धन जीतइ मँ करत ह।
    तू आपन सेवक दाऊद क ओकरे दुस्मनन क तरवारन स मुक्त किहा ह।
11 मोका ऍन परदेसियन स मुक्त करा अउ मोका बचाइ ल्या।
    इ सबइ दुस्मन लबार अहइँ।
    उ पचे धोखेबाज़ अहइँ।

12 हमार पूतन जवान होइके बिसाल बृच्छन जइसे मजबूत होइँ,
    हमार बिटियन महल क सुन्नर सजावटी कोने क पाथर जइसी होइँ।
13 तोहार गोदाम
    फसलन स भरपूर होइँ।
हमार भेड़िन चरागाहन मँ
    हजारन-हजारन मेमनन जनमत रहइँ।
14 हमार बर्धन बहोत स पइदावार ढोइहीं।
    हम पइ कउनो दुस्मन हमला न करी।
हम मँ स कउनो कबहुँ जुद्ध मँ नाहीं जाई।
    हमार गलियन मँ चिचियाहट नाहीं होई।

15 जउन लोगन बरे इ बातन नीक अहइँ उ धन्य अहइँ।
    जउन लोगन परमेस्सर यहोवा अहइ उ धन्य अहइँ।

Awadhi Bible: Easy-to-Read Version (ERV-AWA)

Awadhi Bible: Easy-to-Read Version Copyright © 2005 World Bible Translation Center

  Back

1 of 1

You'll get this book and many others when you join Bible Gateway Plus. Learn more

Viewing of
Cross references
Footnotes