A A A A A
Bible Book List

भजन संहिता 13Awadhi Bible: Easy-to-Read Version (ERV-AWA)

संगीत निदेर्सक बरे दाऊद क एक ठु पद।

13 हे यहोवा, तू कब तलक मोका बिसरा रहब्या?
    कब तलक तू मोका अंगीकार नाहीं करब्या?
तू मोका बिसरि गया इ कब तलक मइँ सोचउँ?
    आपन हिरदइ मँ कब तलक इ दुःख भोगउँ?
कब तलक मोर दुस्मन मोका जीतत रइहीं?

हे यहोवा, मोर परमेस्सर, मोर सुनि ल्या!
    अउर तू मोरे सवाल क जवाब द्या, मोका जवाब द्या नाहीं तउ मइँ मरि जाबउँ।
साइद मोर सत्रु अइसेन ही कहइ लागेन, “मइँ ओका पीट दिहउँ।”
    मोर दुस्मन खुस होइहीं कि मोर अंत होइ गवा बाटइ।

हे यहोवा, मइँ तोहरी करुणा पइ मदद पावइ बरे भरोसा राखेउँ।
    तू मोका बचाइ लिहा अउर मोका सुखी किहा।
मइँ यहोवा बरे खुसी क गीत गावत हउँ,
    काहेकि उ मोरे बरे बहोत सी अच्छी बातन किहस ह।

Awadhi Bible: Easy-to-Read Version (ERV-AWA)

Awadhi Bible: Easy-to-Read Version Copyright © 2005 World Bible Translation Center

  Back

1 of 1

You'll get this book and many others when you join Bible Gateway Plus. Learn more

Viewing of
Cross references
Footnotes