A A A A A
Bible Book List

भजन संहिता 108Awadhi Bible: Easy-to-Read Version (ERV-AWA)

वाद्य यंत्र दुआर बजा भवा दाऊद क एक ठु गीत।

108 हे परमेस्सर, मइँ आपन हिरदय क तइयार कहेउँ ह।
    मइँ गाउब अउर
उमंग क संगीत बजाउब।
    मोर आतिमा, जगा!
    वीणओ अउर सारंगियो, जगा।
    आवा हम भोर क जगाइ!
हे मोर सुआमी, मइँ तोहरे बड़कइ क रास्ट्रन क समन्वा गाउब।
    मइँ विभिन्न लोगन क बीच तोहार स्तुति करब।
हे परमेस्सर, तोहार पिरेम ओतॅना ऊँच अहइ जेतॅना अकास।
    तोहार बिस्सास ओतॅना ऊँच अहइ जेतॅना बादरन।
हे परमेस्सर, तोहार सम्मान अकासन क ऊपर होइ,
    तोहार महिमा क सारा जगत क ढाँपि लेइ द्या।
आपन भगत लोगन क बचावइ बरे इ करा।
    मोर बिनती क जवाब द्या, अउर हमका बचावइ क आपन महासक्ती क प्रयोग करा।

परमेस्सर आपन मन्दिर स बोला।
    उ कहेस, “मइँ खुसी स चिचियाब।
मइँ आपन लोगन क सोकेम प्रदान करब,
    अउर सुक्कोत क घाटी ओनकर होइ।
गिलाद अउ मनस्से मोर अहइँ।
    एप्रैम मोर सिरवाण अहइ
    अउर यहूदा मोर राजदण्ड अहइ।
मोआब मोर गोड़ पखारइ क पात्र बनी।
    एदोम उ दास होइ जउन मोर पादूका लइके चली,
    मइँ पलिस्तियन क हराइ क पाछे विजय-उल्लास स चिचियाब।”

10-11 मोका दुस्मन क दुर्ग् मँ कउन लइ जाइ?
    एदोम क हरावइ कउन मोर मदद करी!
हे परमेस्सर, का इ फुरइ नाहीं बाटइ कि तू हमका तजि दिहा ह?
    अउर का तू हमरी सेना क संग नाहीं रहब्या?
12 हे परमेस्सर, कृपा कइके, हमरे दुस्मन क हरावइ मँ हमार मदद करा।
    मनइयन तउ हमका बचाइ नाहीं सकतेन।
13 हम महान कारज कइ सकित ह सिरिफ जब परमेस्सर हमार साथ होइ।
    सिरिफ परमेस्सर हमरे दुस्मनन क हराई सकत ह।

Awadhi Bible: Easy-to-Read Version (ERV-AWA)

Awadhi Bible: Easy-to-Read Version Copyright © 2005 World Bible Translation Center

  Back

1 of 1

You'll get this book and many others when you join Bible Gateway Plus. Learn more

Viewing of
Cross references
Footnotes