A A A A A
Bible Book List

जकर्याह 1Awadhi Bible: Easy-to-Read Version (ERV-AWA)

यहोवा आपन लोगन क वापसी चाहत ह

दारा क राज्जकाल क दूसर बरिस क अठएँ महीना मँ, यहोवा क सँदेसा बेरेक्याह क पूत जकर्याह नबी क लगे आवा। (बेरेक्याह इद्दो क पूत रहा।) सँदेसा इ अहइ:

यहोवा तोहरे पुरखन पइ बहोत कोहान रहा। एह बरे लोगन स कहा: इ उहइ अहइ जउन सर्वसक्तिमान यहोवा कहत ह: “मोरे लगे वापस आवा अउर मइँ तोहार लगे वापस आउब।” इ उहइ अहइ जउन सर्वसक्तीमान यहोवा कहेस।

यहोवा कहेस, “आपन पुरखन क नाई न बना जेनका बीते भए समइँ मँ नबी उपदेस दिहेस। उ पचे कहेन, ‘सर्वसक्तीमान यहोवा चाहत ह कि तू पचे आपन बुरा रहन-सहन क तजि द्या। बुरा काम बंद कइ द्या।’ मुला तोहार पचन्क पुरखन मोर नाहीं सुनेन।” यहोवा इ सबइ बातन कहेस।

परमेस्सर कहेस, “अब तोहार पचन्क पुरखन कहाँ बाटइ? का नबी हमेसा जिअत रहतेन? नबी मोर सेवक रहेन। मइँ ओनकर उपयोग तोहरे पचन्क पुरखन क आपन व्यवस्था अउर आपन सिच्छा देइ बरे किहेस। आखिरकार तोहार पुरखन सिच्छा ग्रहण किहेन। उ पचे पस्चाताप किहेन अउर कहेन, ‘सर्वसक्तीमान यहोवा हमार मारग अउ कामन क अनुसार ठीक वइसा ही जइसा उ निर्णय किहे रहा, किहेस ह।’ इ तरह उ पचे परमेस्सर क लगे वापस लउटेन।”

घोड़न क दर्सन

दारा क दूसर बरिस क सबित क ग्यारहनें महीना क चउबीसवें दिन यहोवा क इ सँदेसा बेरेक्याह क पूत जकर्याह नबी क लगे आवा। (बेरेक्याह इद्दो क पूत रहा।)

रात मँ मइँ लखेउँ कि एक मनई लाल घोड़े पइ सवार अहइ। उ एक घाटी मँ कछू मेंहदियन क बृच्छ क बीच खड़ा रहा। ओकरे पाछे लाल, भूरा अउ सफेद रंग क घोड़न रहेन। मइँ पूछेउँ, “महोदय इ सबइ घोड़न क का मतलब अहइँ?”

सरगदूत जउन मोहसे बात करत रहा, मोका जवाब दिहेस, “मइँ तू पचन्क देखॉउब कि ओकर का मतलब अहइँ।”

10 एह बरे मेंहदियन क बृच्छ क बीच रहत भवा मनई जवाब दिहेस, “इ सबइ यहोवा दुआरा पृथ्वी प गस्त लगाइ बरे पठएस ह।”

11 तब उ पचे यहोवा क सरगदूतन जउन मेंहदियन क बृच्छ क बीच खड़ा भवा रहा कहेन, “हम पचे पृथ्वी गस्त लगाइ चुका अहइ। फुरइ समूचा धरती सान्त अउ सुख-चैन मँ अहइ।”

12 तब यहोवा क सरगदूत कहेस, “हे सर्वसक्तीमान यहोवा, आप यरूसलेम अउ यहूदा क सहरन पइ केतॅना दिना तलक दाया नाहीं करब जेकर संग तू सत्तर बरिस तलक किरोधित रहा ह।”

13 तब यहोवा नीक अउ सान्तिदायक सब्दन स उ सरगदूत क जवाब दिहेस जउन मोसे बात करत रहा।

14 एह बरे सरगदूत जउन मोसे बाप करत रहा मोसे कहेस, इ घोसणा करा:सर्वसक्तीमान यहोवा इ कहत ह:

“मइँ यरूसलेम अउ सिय्योन स बहोत जलन अहइ।
15     अउर मइँ ओन रास्ट्रन पइ बहोतइ कोहान हउँ
जउन आपन क ऍतना सुरच्छित अनुभव करत हीं।
    हालांकि मइँ कछू कोहाइ गवा हउँ,
    ओकर जगह उ सबइ रास्ट्र तोड़ा जियादा झेलस ह।”
16 इसलिए, यहोवा इ तरह कहत ह: “मइँ दाया क संग यरूसलेम मँ लउटब।”
    सर्वसक्तीमान यहोवा कहत ह, “यरूसलेम क निर्माण फुन होइ।
    अउर हुआँ मोर मन्दिर स्थापित होइ।”

17 सरगदूत कहेस, “लोगन स इ भी कहा: सर्वसक्तीमान यहोवा कहत ह,
    ‘मोर सहर फुन संपन्न होइहीं,
मइँ सिय्योन क आराम देब।
    मइँ यरूसलेम क आपन खास नगर चुनब।’”

सींगन क दर्सन

18 तब मईर् ऊपर नजर उठाएउँ अउर चार सींगन क दिखेउँ। 19 तब मइँ उ सरगदूत पूछेस कउनो मोसे बातन करत रहा, “इ सींगन क अरथ का अहइ?”

उ जवाब दिहेस, “इ सबइ उ सब सींगन अहइँ, जउन इस्राएल, यहूदा अउ यरूसलेम क लोगन क रास्टन क बीच छितराइ दीन्ह गवा ह।”

20 तब यहोवा मोका चार सिल्पकारन क देखाँएस। 21 मइँ ओनसे पूछेउँ, “इ सबइ का करइ बरे आवत अहइँ?”

उ जवाब दिहेस, “सींगन यहूदा क अइसा तितर-बितर कइ दिहे रहा कि कउनो आपन सिर न उठाइ सकी। परन्तु कारिगर ओका आतंकित करइ बरे अउ ओन जातियन क सींगन क काटन बरे आव ह जउन यहूदा लोगन देस क विरुद्ध आपन सींगन एह बरे उठाएस ह कि उ तितर-बितर हो जाइ।”

Awadhi Bible: Easy-to-Read Version (ERV-AWA)

Awadhi Bible: Easy-to-Read Version Copyright © 2005 World Bible Translation Center

  Back

1 of 1

You'll get this book and many others when you join Bible Gateway Plus. Learn more

Viewing of
Cross references
Footnotes