A A A A A
Bible Book List

आमोस 6Awadhi Bible: Easy-to-Read Version (ERV-AWA)

इस्राएल स नीक समइ क लइ लीन्ह जाइ

सिय्योन क तू पचन्क मँ स कछू क जिन्नगी बहोत अराम क अहइ।
    सामरिया पर्वत क कछू लोग अपने क सुरच्छित महसूस करत हीं।
मुला तू पचन पइ अनेक मुसीबतन अइहीं।
    रास्ट्रन क सब स उत्तिम नगर क तू पचे सम्मानित लोग अहा।
    “इस्राएल क लोग” निआव पावइ बरे तोहरे पचन्क लगे आवत हीं।
जा अउ कलने क लखा।
    हुआँ स बिसाल नगर हमात क जा।
    पलिस्ती सहर गत क जा।
का तू पचे इ सबइ राज्यन स बढ़िया अहा? नाहीं।
    ओनकर पहँटा तोहरे पचन्क देसे स बड़का अहइँ।
जब तू हिंसा क जरिये सासन करत ह
    तउ तू सज़ा क दिना बरे सोचइ स इन्कार करत जउन कि आवत ह।
मुला तू पचे सबहिं बिलासन क भोगा करत अहा।
    तू पचे हाथी दाँते क सेज पइ सोवत अहा अउर अपने बिछौना पइ आराम करत अहा।
तू पचे गोरूअन क झुण्ड मँ स नरम मेमनन
    अउ बाड़न मँ स नवा बछवा खात अहा।
तू पचे आपन वीणन क बजावत अहा
    अउर राजा दाऊद क नाईं संगीत क धन बनावत ह।
तू पचे सुन्नर पिआलन मँ दाखरस पिआ करत अहा।
    तू पचे सब स उत्तिम तेलन मँ स आपन मालिस करत अहा
अउर तू पचन्क एकरे बरे घबराहट भी नाहीं
    कि यूसुफ क परिवार नस्ट कीन्ह जात अहइ।

उ सबइ लोग अब बिछउना पइ अराम करत अहइँ। मुला ओनकर नीक समइ खतम होइ। उ पचे बन्दी क रूप मँ विदेसन मँ पहोंचावा जइहीं अउर उ पचे पहिले पकड़ा जाइवालन मँ स कछू होइहीं। मोर सुआमी यहोवा आपन नाउँ स इ प्रतिग्या किहे रहा। सर्वसक्तीमान परमेस्सर यहोवा प्रतिग्या किहस ह:

“मइँ ओन बातन स घिना करत हउँ जेन पइ याकूब क गर्व अहइ।
    मइँ ओकर मजबूत मीनारन स घिना करत हउँ।
एह वरे मइँ दुस्मन क सहर
    अउर सहर क हर एक चीज लेइ देबउँ।”

तनिक इस्राएली जिअत बचिहीं

उ समइ, कउनो घरे मँ अगर दस मनई जिअत बचिहीं तउ भी उ पचे मरि जइहीं। 10 जब कउनो मरि जाइ तब कउनो संबंधी ल्हास लेइ आइ, जेहसे उ ओका बाहेर लइ जाइ सकइ अउर बारि सकइ। संबंधी घरे मँ हाड़न क लेइ आइ। लोग कउनो भी उ मनई स जउन घरे क भितरे छुपा होइ, पूछिहीं, “का तोहरे पचन्क लगे कउनो दूसर ल्हास अहइ?”

उ मनई जवाब देइ, “नाहीं…”

तब मनई क संबंधी कइहीं, “चुप। हम पचन्क यहोवा क नाउँ नाहीं लेइ चाही।”

11 लखा, परमेस्सर यहोवा हुवुम देइ
    अउर बिसाल महल टूका-टूका कीन्ह जइहीं
    अउर नान्ह घर नान्ह नान्ह टूकन मँ तोरा जइहीं।
12 का घोड़न सिलाखंडन पइ दउड़त हीं? नाहीं।
    का लोग समुददर क बर्धन स जोत सकत हीं? नाहीं।
तउ भी तू पचे हर चीज क उलट-पलट देत अहा।
    तू पचे अच्छाई अउ निआव क जहर मँ बदल देत अहा।
13 तू पचे लौ-देवरे मँ खुस अहा, तू पचे कहत अहा,
    “हम पचे करनैम क आपन सक्ती स जीता ह।”

14 “किन्तु इस्राएल, मइँ तू पचन्क खिलाफ एक रास्ट्र क पठउब। उ रास्ट्र तोहरे पचन्क समूचे देस क, लेबो-हमात स लइके अराबा नाले तलक मुसीबते मँ डइहीं।” सर्वसक्तीमान परमेस्सर यहोवा उ सबइ कहेस।

Awadhi Bible: Easy-to-Read Version (ERV-AWA)

Awadhi Bible: Easy-to-Read Version Copyright © 2005 World Bible Translation Center

  Back

1 of 1

You'll get this book and many others when you join Bible Gateway Plus. Learn more

Viewing of
Cross references
Footnotes