A A A A A
Bible Book List

अय्यूब 38Nepali Bible: Easy-to-Read Version (ERV-NE)

परमेश्वर अय्यूबसित बोल्नु हुन्छ

38 तब परमेश्वर भुँवरीबाट अय्यूबसित बोल्नु भयो। परमेश्वरले भन्नुभयोः

“त्यो अज्ञानी मानिस को हो?
    जसले यस्ता मूर्ख कुराहरू गरिरहेको छ।”
अय्यूब, कम्मर कस, मेरो प्रश्नको उत्तर दिनलाई तैयार बस।

“तिमी कहाँ थियौ [a] जब मैले पृथ्वी सृष्टि गरें?
    यदि तिमी यो जान्दछौ भने मलाई जवाफ देऊ।
यदि तिमी साह्रै चतुर छौ भने, संसार यति ठूलो हुनुपर्छ भनेर कसले निर्णय गर्यो?
    कसले संसारलाई नापजोख गर्यो?
पृथ्वीको आधारशिला के हो?
    कसले यसमा प्रथम ढुङ्गा राख्यो?
जब त्यसो गरियो, बिहान ताराहरूले एकैसाथ गाए
    अनि दूतहरू आनन्दले कराए।

“अय्यूब, जब समुद्र पृथ्वीमा गहिरोबाट बग्यो
    त्यसलाई रोक्न कसले द्वारहरू बन्द गर्यो?
त्यसबेला यसलाई मैले बादलहरूले ढाकें
    अनि अँध्यारोमा लपेटें।
10 मैले समुद्रको सीमा बाँधें
    अनि बन्द द्वारहरूको पछिल्तिर राखें।
11 मैले समुद्रलाई भनें, ‘तँ यतिसम्म आउन सक्छस, अरू बेढी होइनँ।
    यसरी तिम्रो अहंकारी छालहरू रोकिनेछ।’

12 “अय्यूब, के तिमीले आफ्नो जीवनमा कहिल्यै बिहानलाई शुरू हुने आज्ञा दिएको थियौ
    अथवा दिनलाई शुरू हुने आज्ञा गर्यौ?
13 अय्यूब, के तिमीले कहिले बिहानको उज्यालोलाई पृथ्वी समात भन्यौ
    अनि दुष्ट मानिसहरूलाई लुकेका ठाउँहरूमा भयभीत पार्यौ।
14 बिहानको उज्यालोले पहाडहरू
    र खाल्डाहरू देखिन सजिलो गराइदिन्छ
जब दिनको उज्यालो पृथ्वीमा आउँछ,
    ती ठाउँहरूका आकारहरू लुगाको मुजाहरू जस्तै हुन्छन्।
नरम माटोले टाँचाको मुनि आकार लिए जस्तै
    पृथ्वीले आकार धारण गर्छ।
15 दुष्ट मानिसहरूले उज्यालो मन पराउँदैनन्।
    किनभने जब उज्यालो फैलिन्छ ती दुष्ट मानिसहरूले खराब कर्म गर्न वाधा पाउँछन्।

16 “अय्यूब, तिमी कहिले समुद्रको गहिरो भागमा पुगेको छौ जहाँबाट समुद्र शुरू हुन्छ?
    तिमी कहिले समुद्रको सतहमा हिंडेकाछौं?
17 अय्यूब तिमीले मृत्युको कालो ठाउँमा डोर्याउने द्वारहरू कहिले देखेका छौ?
    तिमीले मृत्युलोकमा लैजाने द्वारहरू देखेका छौ?
18 अय्यूब, पृथ्वी कति विस्तृत छ के तिमी साँच्चै जान्दछौ?
    यदि तिमी यी सारा कुराहरू जान्दछौ भने मलाई भन।

19 “अय्यूब, प्रकाश कहाँबाट आउने गर्छ?
    अन्धकार कहाँबाट आउँछ?
20 अय्यूब, के तिमी प्रकाश र अन्धकार कहाँबाट आए तिनीहरू त्यतैतिर फर्काउनँ सक्छौ?
    के तिमी जान्दछौ कसरी त्यस ठाउँमा जान पर्छ?
21 निःसन्देह तिमी ती कुराहरू जान्दछौ अय्यूब, तिमी धेरै बृद्ध र ज्ञानी छौ।
    जब मैले ती कुराहरू बनाउदै थिए तिमी त्यहीं थियौ?

22 “अय्यूब, तिमी कहिले त्यो भण्डार भित्र गएका छौ
    जहाँ मैले हिऊँ र असिना राख्छु?
23 मैले हिऊँ र असिना सङ्कट र लडाइँ,
    युद्धको समयको लागि बचाएर राखेको छु।
24 तिमी त्यस ठाउँमा कहिले गएका छौ जहाँबाट घाम उदाउँछ
    र जहाँबाट पूर्वी हावा पृथ्वीमा बहन्छ?
25 अय्यूब, कसले आकाशमा हात्तीसुँढे पानी पार्न नहरहरू खने?
    कसले आँधी वेरी आउने बाटो बनाए?
26 कसले मानिसहरू नबस्ने ठाउँमा पानी पर्ने बनायो?
27 त्यो रित्तो ठाउँ पनि पानीले भूमिलाई प्रशस्त भिजाउँछ
    अनि घाँस उम्रन थाल्दछ।
28 के बर्षाको पिता छ
    जसले शीतका थोपाहरू उब्जाउँदछ?
29 के हिंऊको आमा छ?
    जसले असिनालाई जन्म दिन्छ?
30 पानी ढुङ्गा भन्दा पनि कडा हुन्छ
    अनि महासागरको सतह जम्छ।

31 “अय्यूब, के तिमी सप्तऋषि तारालाई बाँध्न सक्छौ?
    के तिमी मृगशीराको बन्धन खोल्न सक्छौ?
32 के तिमी ठीक समयमा ताराको झुण्डलाई प्रकट गराउन सक्छौ?
    अथवा के तिमी भालूको बच्चाहरूलाई [b] गुफाबाट निकाल्न सक्छौ?
33 के तिमीले आकाश नियन्त्रण गर्ने नियमहरू जान्दछौ?
    के तिमीले तिनीहरूलाई पृथ्वी शासन गर्ने बनाउन सक्छौ?

34 “अय्यूब के तिमी बादलाई चिच्याउन सक्छौ
    अनि आफूलाई पानीले छोप भनी आदेश दिन सक्छौ?
35 के तिमीले चट्याङलाई आदेश दिन सक्छौ?
    के यो तिम्रो छेउमा आएर भन्न सक्छ, ‘हामी यहाँ छौ, तपाईं के चाहनु हुन्छ महाशय?’
    के तिमी जहाँ चाहन्छौ बिजुलीलाई पठाउन सक्छौ?

36 “अय्यूब, मानिसहरूलाई ज्ञानी कसले बनायो?
    कसले ज्ञान तिनीहरूको हृदयमा पसायो?
37 त्यस्तो ज्ञान कस्को छ जसले बादल गन्न सक्छ
    अनि कसले डिम्का लगाएर बादलबाट पानी पार्न सक्छ?
38 यसैले धूलो हिलो बनिन्छ
    र मैला ढिकाहरू एकसाथ टाँसिन्छ।

39 “अय्यूब के तिमीले सिंहहरूको लागि भोजन पाउँछौ?
    के तिमी तिनीहरूका भोका बच्चाहरूलाई खुवाउन सक्छौ?
40 ती सिंहहरू आफ्ना गुफामा लुकीरहेका छन्।
    आफ्नो शिकारमाथि आक्रमण गर्न घाँसमाथि थ्याच्च बसी तयार भएका छन्।
41 जब त्यसका बच्चाहरू अति भोकाएर परमेश्वरलाई पुर्कादा,
    भोजनको खोजीमा डुलिरहेको कागलाई कसले खुवाउँछ?

Footnotes:

  1. अय्यूब 38:4 तिमी कहाँ थियौयहाँ परमेश्वर एलिफासँग बोलिरहनु भएको हुन सक्छ।
  2. अय्यूब 38:32 भालूको बच्चाहरूलाई आकाशमा एक ताराहरूको समूह भालू जस्तै देखिन्छ र यसलाई ठूलो चम्चा अथवा डाडु पनि भनिन्छ। यसको छेउमा जुन तारा पुन्ज देखिन्छ त्यसलाई सानो भालू अथवा सानो चम्चा पनि भनिन्छ।
Nepali Bible: Easy-to-Read Version (ERV-NE)

2010 by World Bible Translation Center

  Back

1 of 1

You'll get this book and many others when you join Bible Gateway Plus. Learn more

Viewing of
Cross references
Footnotes