ہوسیع 1

Urdu Bible: Easy-to-Read Version

ہو سیع کے ذریعے سے خدا وند خدا کا پیغام

1 یہ خداوند کا وہ پیغام ہے جو بیری کے بیٹے ہوسیع کے پاس آیا تھا۔ یہ پیغام اس وقت آیا تھا جب یہودا ہ میں عُزّیاہ، یو تام، آخز اور حزقیاہ کی حکمرانی تھی۔ یہ ان دنوں کی بات ہے جب اسرائیل کے بادشا ہ یو آس کے بیٹے یربعام کا دو ر تھا۔

² ہوسیع کے لئے یہ خداوند کا پہلا پیغام تھا۔خداوند نے ہو سیع سے کہا، “جا، اور اس بے وفا عورت سے شادی کر جو بے وفا ہے اور بے وفائی کی اولاد حاصل کر۔ ^[a] کیونکہ ملک نے خداوند کو چھوڑ کر بڑی بے وفائی کی ہے۔”

یزرعیل کی پیدا ئش

³ اس لئے ہوسیع نے دبلا ئم کی بیٹی جُمر سے شادی کر لی۔جمر حاملہ ہو ئی اور اس نے ہوسیع کے لئے ایک بیٹے کو جنم دیا۔ ⁴ خداوند نے ہوسیع سے کہا، “اس کا نام یزرعیل ^[b] رکھو کیونکہ میں عنقریب ہی یا ہو کے گھرانے سے یزرعیل کے خون کا بدلہ لونگا۔ پھر اس کے بعد اسرائیل کے گھرانے کی سلطنت کو تمام کر دونگا۔ ⁵ اس موقع پر یزرعیل کی وا دی میں، میں اسرائیل کی کمان کو تو ڑ دونگا۔”

لو رُحامہ کی پیدا ئش

⁶ اس کے بعد جُمر پھر حاملہ ہو ئی اور اس نے ایک لڑکی کو جنم دیا۔خداوند نے ہو سیع سے کہا، “اس لڑکی کانام لو رُحامہ ^[c] رکھ کیونکہ میں اب اسرائیل کے گھرانے پر اور زیادہ رحم نہیں کرونگا۔ میں انہیں معاف نہیں کرونگا۔ ⁷ بلکہ میں یہوداہ کے گھرانے پر رحم کرونگا۔ میں یہودا ہ کے گھرانے کو بچا ؤں گا۔ مگر انکو بچانے کیلئے میں نہ تو کمان اور نہ تلوار اور نہ ہی لڑائی کے گھوڑوں اور سپا ہیوں کا استعمال کرونگا۔ میں خود اپنی قدرت سے انہیں بچا ؤں گا۔”

لو عمّی کی پیدا ئش

⁸ جمر کا لو رحامہ کو دودھ پلانا چھُڑانے کے بعد وہ پھر حاملہ ہو گئی۔ اس نے ایک بیٹے کو جنم دیا۔ ⁹ اس کے بعد خداوند نے کہا، “اس کا نام لو عمّی ^[d] رکھ کیوں؟ کیونکہ تم میرے لوگ نہیں ہو اور میں تمہا را خدا نہیں ہوں۔”

خداوند خدا کا وعدہ اسرائیلی کثرت سے ہونگے

¹⁰ “ آنے وا لے دنوں میں بنی اسرائیل دریا کی ریت کی مانند بے شمار اور بے قیاس ہونگے۔ اور جہاں ان سے یہ کہا جا تا تھا کہ تم میرے لوگ نہیں ہو وہیں پر وہ زندہ خدا کے فرزند کہلا ئیں گے۔

¹¹ اس کے بعد یہوداہ اور بنی اسرائیل ایک ساتھ پھر اکٹھے کئے جا ئیں گے۔ وہ اپنے لئے ایک حکمراں مقرر کرینگے۔ پھر وہ لوگ اس زمین سے با ہر چلے جا ئیں گے۔ ^[e] یزرعیل کا دن صحیح معنوں میں عظیم ہو گا۔”