ژیرمەندی 11

Kurdi Sorani Standard

³ ئەگەر هەور پڕبێت،
    باران بەسەر زەویدا دەبارێنێت.
ئەگەر دارێک بەرەو باشوور بکەوێت یان بەرەو باکوور،
    ئەو شوێنەی دارەکەی لێ دەکەوێت، لەوێ دەبێت.
⁴ ئەوەی چاوی لە با بێت ناچێنێت،
    ئەوەی سەیری هەور بکات دروێنە ناکات.

⁵ هەروەک نازانیت کامە ڕێگای بایە،
    یان چۆن کۆرپەلە لەناو سکی دایکیدا شێوەی دەکێشرێت،
بە هەمان شێوە ناتوانیت لە کارەکانی خودا بگەیت،
    کە هەمووان دروستدەکات.

⁶ سەر لە بەیانی تۆوی خۆت بچێنە،
    سەر لە ئێوارەش دەست شل مەکە،
چونکە نازانیت کامیان سەوز دەبێت،
    ئەم یان ئەو،
    یان بەرهەمی هەردووکیان وەک یەک دەبێت.

⁹ ئەی لاو، لە سەردەمی گەنجیێتیت شادمان بە،
    با لە ڕۆژانی لاویێتیت دڵت خۆش بێت.
بە ڕێگای دڵی خۆت و
    بە بینینی چاوەکانتدا بڕۆ،
بەڵام بزانە کە لەسەر هەموو ئەمانە
    خودا دەتهێنێت بۆ حوکم بەسەردادان.
¹⁰ پەستی لە دڵت داماڵە و
    خراپە لە لەشت دووربخەوە،
    چونکە نەوجەوانی و گەنجیێتی بێ واتان.