Add parallel Print Page Options

27 اور ایّوب نے اپنی کہانی کہنا جاری رکھا۔ اس نے کہا ،

“وہ میرے ساتھ غیر منصف رہا ہے۔
    خدا قادر مطلق نے میری زندگی کو تلخ بنا دیا ہے۔
ليکن یقیناً ، خدا کی حیات کی قسم ،
    جب تک مجھ میں جان ہے ،
    اور خدا کی زندگی کی سانس میری ناک میں ہے ،
تب تک میرے ہونٹ بری باتیں نہیں بولیں گے
    اور میری زبان کبھی جھوٹ نہیں بولے گی۔
میں کبھی نہیں کہونگا کہ تم صحیح ہو۔
    میں مرنے کے دن تک یہ کہتا رہوں گا کہ میں بے قصور ہوں۔
میں اپنی صداقت پر مضبوطی سے قائم رہوں گا۔ اور میں اسے کبھی نہیں چھو ڑوں گا۔
    جب تک میں زندہ ہوں میرا شعور مجھے تنگ نہیں کرے گا۔
“وہ لوگ میرے خلاف ہو گئے ہیں۔ میری خواہش ہے
    کہ میرے دشمنوں کو اسی طرح سزا دی جاتی جس طرح برے لوگوں کو سزا دینی چاہئے۔
ایسے شخص کے لئے مرتے وقت کوئی امید نہیں ہے جو خدا کی پر واہ نہیں کرتا ہے۔
    جب خدا اس کی جان لیگا تب تک اس کے لئے کوئی امید نہیں ہے۔
کیا خدا برے شخص کی چیخ کو سنتا ہے
    جب وہ اسے مصیبت کے وقت پکارتا ہے۔
10 اس شخص کو خدا قادر مطلق میں خوشی لینا چاہئے تھا۔
    اس کو خدا کی ہر وقت عبادت کرنی چاہئے تھی۔

11 “میں تم کو خدا کے بر تاؤ کی تعلیم دونگا۔
    میں خدا قادر مطلق کے منصوبے نہیں چھپا ؤں گا۔
12 تم سب نے اپنی آنکھوں سے اسے دیکھا ہے۔
    پھر تم کیوں اس طرح کی فضول باتیں کر تے ہو ؟

13 شریر لوگوں کے لئے خدا نے یہ منصوبہ بنا یا ہے ،
    اور یہی ظالم لوگوں کو خدا قادر مطلق سے ملے گا۔
14 برے لوگوں کو چاہے کتنی ہی اولاد ہو ، لیکن انہیں جنگ میں مار دیا جائے گا۔
    برے لوگوں کی اولادوں کو کبھی بھی کھا نے کے لئے زیادہ نہیں ملے گا۔
15 انکے سبھی بچے مر جائیں گے
    اور اسکی بیوہ غمزدہ نہیں ہوگی۔
16 ایک برا شخص ہو سکتا ہے کہ اتنا زیادہ چاندی جمع کر لے کہ وہ اسکے لئے دھول جیسی ہو
    اور ہوسکتا ہے کہ اس کے پاس اتنے زیادہ کپڑے ہوں کہ وہ اس کے لئے مٹی کے ڈھیروں کی طرح ہوں۔
17 لیکن ایک جو صادق ہے اپنے کپڑوں کو بانٹے گا
    اور معصوم انکے چاندی کو بانٹ لیں گے۔
18 شریر شخص کا بنا یا ہوا گھر زیادہ دنوں تک نہیں رہے گا۔
    وہ مکڑی کے جالے کی مانند یا کسی چوکیدار کی جھو پڑی جیسا ہوگا۔
19 ہو سکتا ہے ایک برا شخص جب وہ سونے جاتا ہے تو امیر ہو۔
    لیکن جب وہ اپنی آنکھیں کھولتا ہے تو اس وقت انکی ساری دولت جا چکی ہو گی۔
20 دہشت اسے اچا نک سیلاب کی طرح ڈھا نک لیگی
    اور رات کو اسے طوفان اڑا لے جائے گا۔
21 مشرقی ہوا اسے اڑا لے جائیگی اور وہ مر جائے گا
    یہ اس کو اسکے گھر سے باہر اڑا لے جائیگی۔
22 برا شخص ہو سکتا ہے طوفان کی طاقت سے بچنے کی کوشش کرے
    لیکن طوفان اسے بنا کسی رحم کے تھپیڑا مارے گا۔
23 جب برا شخص بھا گے گا تو لوگ اس پر تالیاں بجائیں گے۔
    جب وہ برا شخص اپنے گھر سے بھا گے گا تو لوگ اس پر سیٹیاں بجائیں گے۔