²³ τότε ἐάν τις ὑμῖν εἴπῃ· Ἰδοὺ ὧδε ὁ χριστός, ἤ· Ὧδε, μὴ πιστεύσητε· ²⁴ ἐγερθήσονται γὰρ ψευδόχριστοι καὶ ψευδοπροφῆται, καὶ δώσουσιν σημεῖα μεγάλα καὶ τέρατα ὥστε ^[a]πλανῆσαι εἰ δυνατὸν καὶ τοὺς ἐκλεκτούς· ²⁵ ἰδοὺ προείρηκα ὑμῖν. ²⁶ ἐὰν οὖν εἴπωσιν ὑμῖν· Ἰδοὺ ἐν τῇ ἐρήμῳ ἐστίν, μὴ ἐξέλθητε· Ἰδοὺ ἐν τοῖς ταμείοις, μὴ πιστεύσητε· ²⁷ ὥσπερ γὰρ ἡ ἀστραπὴ ἐξέρχεται ἀπὸ ἀνατολῶν καὶ φαίνεται ἕως δυσμῶν, οὕτως ^[b]ἔσται ἡ παρουσία τοῦ υἱοῦ τοῦ ἀνθρώπου· ^28 [c]ὅπου ἐὰν ᾖ τὸ πτῶμα, ἐκεῖ συναχθήσονται οἱ ἀετοί.

^21 [a]καὶ τότε ἐάν τις ὑμῖν εἴπῃ· ^[b]Ἴδε ὧδε ὁ ^[c]χριστός, ^[d]Ἴδε ἐκεῖ, μὴ πιστεύετε· ²² ἐγερθήσονται γὰρ ψευδόχριστοι καὶ ψευδοπροφῆται καὶ δώσουσιν σημεῖα καὶ τέρατα πρὸς τὸ ἀποπλανᾶν εἰ ^[e]δυνατὸν τοὺς ἐκλεκτούς· ²³ ὑμεῖς δὲ βλέπετε· ^[f]προείρηκα ὑμῖν πάντα.

²³ καὶ ἐροῦσιν ὑμῖν· Ἰδοὺ ^[a]ἐκεῖ· Ἰδοὺ ὧδε· μὴ ἀπέλθητε μηδὲ διώξητε. ²⁴ ὥσπερ γὰρ ἡ ^[b]ἀστραπὴ ἀστράπτουσα ἐκ τῆς ^[c]ὑπὸ τὸν οὐρανὸν εἰς τὴν ὑπ’ οὐρανὸν λάμπει, οὕτως ἔσται ὁ υἱὸς τοῦ ἀνθρώπου ^[d]ἐν τῇ ἡμέρᾳ αὐτοῦ.

³⁷ καὶ ἀποκριθέντες λέγουσιν αὐτῷ· Ποῦ, κύριε; ὁ δὲ εἶπεν αὐτοῖς· Ὅπου τὸ σῶμα, ἐκεῖ ^[a]καὶ οἱ ἀετοὶ ἐπισυναχθήσονται.