1 Timoty 3
Hawai‘i Pidgin
Da Main Leada Guys Fo Da Church
3 If one guy like come da main leada guy fo da church, fo shua dass one good ting. 2 Da main leada guy gotta do everyting da right way, so nobody can poin finga. He ony can have one wife. He no drink plenny cuz he gotta stay in charge a himself. He tink befo he do tings. He akamai an he do tings good. Peopo from odda place can come his house fo stay litto wile. He teach da peopo real good. 3 He not one guy fo get drunk. He no like beef wit odda guys, but he make good to dem. He no like make argue. He no like stash plenny money ony fo himself. 4 He handle his own ohana real good. His kids listen an show respeck fo him. 5 (Cuz you know, if get one guy dat donno how fo handle his own ohana, how he goin take care Godʼs church peopo?) 6 Mo betta he trus God long time, so den he no goin get big head bumbye. Cuz if he get big head, den God punish him jalike God goin punish da Devil. 7 Gotta be dat da peopo dat no go church say good tings bout him cuz a da way he ack. Den he no mo shame fo notting, an da Devil no can trick um.
Da Main Helpa Guys Fo Da Church
8 Da main helpa guys fo da church, same ting. Dey gotta be solid kine peopo, so dat da odda peopo get respeck fo dem, an dey gotta mean wat dey say. Dey no drink plenny. Dey no do shame kine stuff fo get plenny money ony fo demself. 9 Dey know da kine stuff bout Jesus dat befo time was secret, an dey trus um, jalike us, an stick wit um, an do um wit clean heart. 10 You gotta check um out real good first, so you can know fo shua dey no do notting wrong. If dey do da right ting, den dey can come da main helpa guys fo da church.
11 Da wahines, same ting. Dey gotta be solid kine peopo, so dat da odda peopo get respeck fo dem. Dey no can talk stink bout da odda peopo. Dey no drink plenny cuz dey gotta stay in charge a demself. Everybody know dey goin do wat dey suppose to.
12 Da main helpa guys ony can have one wife. Dey gotta handle dea kids an dea own ohana da right way. 13 Da guys dat awready stay da main helpa guys, an do um good, everybody tink good bout um. Dey no scared fo talk bout Jesus, da Spesho Guy God Wen Send, cuz dey trus him, an dey know wat dey talking bout.
Da Secret Stuff God Wen Show Us
14 Eh Timoty! I like come see you now, but I writing dis stuff to you first, 15 cuz if I no can come right away, den you still goin know how da peopo inside Godʼs ohana gotta ack. Da God dat stay alive, his ohana, dass da church peopo. Da church peopo, dey tell da true stuff God say an take care um. Dey jalike da foundation an da main post dat stay hold up da building. 16 We all say dis: Da stuff bout God, dat befo time was secret, dass importan fo real kine.
Christ wen come,
Wit one body jalike us.
Godʼs Spirit wen show proof dat Christ stay right.
Da angel guys from God wen see him.
His guys wen teach
Da diffren peopos all ova da world bout him.
Get peopo inside da world dat trus him.
God wen take him back
To da awesome place inside da sky.
1 Timothy 3
Common English Bible
Supervisors in God’s household
3 This saying is reliable: if anyone has a goal to be a supervisor[a] in the church, they want a good thing. 2 So the church’s supervisor must be without fault. They should be faithful to their spouse, sober, modest, and honest. They should show hospitality and be skilled at teaching. 3 They shouldn’t be addicted to alcohol or be a bully. Instead, they should be gentle, peaceable, and not greedy. 4 They should manage their own household well—they should see that their children are obedient with complete respect, 5 because if they don’t know how to manage their own household, how can they take care of God’s church? 6 They shouldn’t be new believers so that they won’t become proud and fall under the devil’s spell. 7 They should also have a good reputation with those outside the church so that they won’t be embarrassed and fall into the devil’s trap.
Servants in God’s household
8 In the same way, servants[b] in the church should be dignified, not two-faced, heavy drinkers, or greedy for money. 9 They should hold on to the faith that has been revealed with a clear conscience. 10 They should also be tested and then serve if they are without fault. 11 In the same way, women who are servants[c] in the church should be dignified and not gossip. They should be sober and faithful in everything they do. 12 Servants[d] must be faithful to their spouse and manage their children and their own households well. 13 Those who have served well gain a good standing and considerable confidence in the faith that is in Christ Jesus.
Leading God’s household
14 I hope to come to you quickly. But I’m writing these things to you so that 15 if I’m delayed, you’ll know how you should behave in God’s household. It is the church of the living God and the backbone and support of the truth. 16 Without question, the mystery of godliness is great: he was revealed as a human, declared righteous by the Spirit, seen by angels, preached throughout the nations, believed in around the world, and taken up in glory.
Footnotes
- 1 Timothy 3:1 Or bishop, overseer
- 1 Timothy 3:8 Or deacons
- 1 Timothy 3:11 Or wives, omit who are servants
- 1 Timothy 3:12 Or deacons
Copyright © 2000 by Wycliffe Bible Translators International. All rights reserved
Copyright © 2011 by Common English Bible