Salmo 113

Ang Pulong Sang Dios

Pagdayaw sa Kaayo sang Ginoo

113 Dayawa ang Ginoo!
Kamo nga mga katawhan sang Ginoo nga iya mga alagad, dayawa ninyo siya!
²Kabay pa nga dayawon siya subong kag hasta san-o.
³Halin sa sidlangan hasta sa nakatundan^[a] ang tanan nga tawo magdayaw sa Ginoo.

⁴Magagahom ang Ginoo sa tanan nga nasyon, ang iya pagkagamhanan indi matupungan.
⁵Wala gid sing pareho sa Ginoo nga aton Dios nga nagapungko sa iya trono didto sa kahitaasan.
⁶Nagaduko siya sa pagtulok^[b] sa kalangitan kag sa kalibutan.
⁷Ginabuligan niya ang mga kubos kag mga imol sa ila kapigaduhon.
⁸Kag ginapadunggan niya sila kaupod sang dungganon nga mga tawo sang iya katawhan.
⁹Ginalipay niya ang baw-as nga babayi sa iya puluy-an paagi sa paghatag sa iya sang mga anak.

Dayawa ang Ginoo!

Footnotes

113:3 Halin sa sidlangan hasta sa nakatundan: ukon, Halin sa pagbutlak sang adlaw hasta sa pagsalop sini.
113:6 Nagaduko siya sa pagtulok: Siguro ang buot silingon nga mas mataas pa ang iya nahamtangan sang sa kalangitan, ukon nagakabalaka gid siya sa iya mga tinuga.

Ang Pulong Sang Dios (HLGN)

Salmo 113 Ang Pulong Sang Dios

Pagdayaw sa Kaayo sang Ginoo

Footnotes

Salmo 113

Ang Pulong Sang Dios