Psalme 40

Reimer 2001

Dee 40 Psalm

To daen Hauptmusikaunt, en Psalm fonn Doft

¹ Sejchalijch luad ekj fa däm Herr Gott, un Hee buach sikj dol un head mein Hiele.

² En hee neem mie ut daut schrakjlijet Deepet erut, un fonn daut blottjet Leem, un hee stald miene Feet opp en Steen, hee deed miene Staupe ennsaulwe.

³ Un Hee haft en niehet Leet enn mien Mul jejäft, preis to Gott; fäl woare daut seene un woare ferjchte, un woare enn däm Herr Gott fetruehe.

⁴ Jesäajent es dee Maun dee däm Herr Gott sien Fetruehe moakt, en dee sikj nijch no dee Stollte dreit, oda soone dee tosied dreihe no Leaje.

⁵ O Herr Gott mien Gott, du hast fäl jedone, soogoa diene wunndaboare Woakje un diene Jedanke onns jäajenäwa; doa es kjeene dee enne Reaj fa die kaun ennstale, dan dee sent meeha aus kjenne jetalt woare.

⁶ Opfa en Schlachtofa wusst du nijch, du hast miene Uare opjemoakt; du hast nijch jefroacht no Braunt Opfa en Sind Opfa.

⁷ Donn säd ekj, Kjikj, ekj kom; daut es fonn mie jeschräwe enn daut Roll fonn daut Buak.

⁸ Ekj ha Fejneaje dien Welle to doone, O mien Gott, un dien Jesats es enn daut bennaschtet fonn mie.

⁹ Ekj ha Jerajchtijchkjeit jeprädijcht enn dee groote Fesaumlunj, See, ekj woa nijch trigj hoole met miene Leppe to räde; O Herr Gott, du weetst.

¹⁰ Ekj ha diene Jerajchtijchkjeit nijch festoake enn mien Hoat; ekj räd fonn diene Jerajchtijchkjeit un diene Radunk; ekj da diene Leeftolijchkjeit un diene Woarheit nijch festoake fonn dee groote Fesaumlunj.

¹¹ Hoole diene empfintlijche Erboarmunje nijch fonn mie, O Herr Gott, lot diene Leeftolijchkejit un diene Woarheit emma äwa mie oppausse.

¹² Dan Beeset haft mie ommringt bott daut nijch to tale jeit, miene Onnjerajchtijchkjeite ha mie to hoole jekjräaje, un ekj kaun nijch nehejcht kjikje; dee sent meeha aus dee Hoa opp mien Kopp, un mien Hoat fesajcht.

¹³ O Herr Gott, lot die daut jefaule mie to rade; spood die mie to halpe.

¹⁴ Lot daen sikj schäme un jedeemietijcht woare dee miene Seel seakje dee to fenijchte; lot dän dee sikj freihe wäajen mien Trubbel trigj jedräwe woare un to Schaund jemoakt woare.

¹⁵ Lot dän eed senne aus Loon fa äare Schaund dee to mie saja: Aha! Aha!

¹⁶ Lot aul dän dee die seakje sikj freihe un Froo senne enn die, un emma saje: "Woo Groot es dee Herr Gott!"

¹⁷ Ekj sie Oam un Derftijch, dee Herr woat fa mie fesorje; du best mien Help un mien Rada; O mien Gott, doo nijch luare.