यर्मिया 4

Nepali Bible: Easy-to-Read Version

4 परमप्रभुले भन्नुभयो,
“हे इस्राएलका मानिसहरू!
    यदि तिमीहरू मकहाँ फर्की आउनु चाहन्छौ भने आऊ।
तिमीहरूका मूर्तिहरू मेरो सामनेबाट हटाइदेऊ।
    मदेखि नबरालिओ।
² ‘यदि परमप्रभु जीवित हुनुहुन्छ,’ भनी शपथ खान्छौ,
    र त्यसलाई सरलता, ईमान्दारी,
    अनि धार्मिकतासित पालन गर्छौ भने,
जाति-जातिहरू परमप्रभुको नाउँद्वारा आफैं धन्य हुनेछन्,
    अनि उहाँ तिनीहरूका परमेश्वर हुँ भनी गर्व गर्नु हुनेछ।”

    “तिम्रा खेतहरू जोत!
    काँढाहरू माझ बीऊहरू नछर।
⁴ परमप्रभु अघि आफ्नै खतना गर
    अनि हृदयको अपवित्रता आफैं हटाऊ।
हे यहूदा र यरूशलेमका मानिसहरू हो!
    तिमीहरू परिवर्तित भएनौ भने
मेरो क्रोध अग्नि झैं फैलिनेछ।
    कसैले पनि त्यो आगो नियन्त्रण गर्न सक्ने छैन।
यो तिमीहरूको दुष्टकार्यको
    कारण यस्तो हुनेछ।”

यरूशलेम शहरका प्रत्येक मानिसलाई भन:
    ‘राज्यका चारैतिर तुरही फुक।’
चिच्याउँदै कराउँदै भन, ‘सँगै आऊ।
    सुरक्षाको लागि हामी सबै बलियो शहरहरू तिर भाग्यौं।’
⁶ सियोन तिर संकेतको झण्डा उठाऊ।
    नपर्ख, आफ्नो जीवनको लागि भाग!
यसै गर किनभने म उत्तरतिरबाट महा विपत्ति
    र ठूलो सत्यनाश ल्याउनेछु।”
⁷ एउटा “सिंह” आफ्नो ओडारबाट बाहिर आएको छ।
    जाति-जातिहरूलाई नष्ट गर्ने आएको छ।
तिम्रा भूमि सर्वनाश पार्नु त्यो आफ्नो ठाँउबाट बाहिर आएको छ।
    तिम्रा शहरहरू नष्ट पार्नेछ,
    अनि त्यहाँ कोही पनि बास गर्ने छैन।
⁸ यसकारण भाङ्गरा लगाऊ, शोक गर अनि विरक्तकर स्वरमा चिच्याऊ।
    किनभने परमप्रभु अझैं हामीसित रीसाउनु भएको छ।
⁹ परमप्रभु भन्नुहुन्छ, “जब यस्ता घट्ना घट्छ,
    राजा अनि उसका अधिकारीहरूको हृदय दुर्बल हुनेछ,
पूजाहारीहरू भयभीत हुन्छन्
    अनि अगमवक्तहरू अचम्मित हुनेछन्।”

¹¹ त्यस समयमा यहूदा
    र यरूशलेमका मानिसहरूलाई सम्झाइनेछ,
“मेरो मानिसहरू विरूद्ध नाङ्गो डाँडाहरूबाट
    तातो हावा बहने छ,
तर तिनीहरूलाई निफन्न
    अथवा सफा पार्नु होइन।
¹² यो हावा त्यो भन्दा पनि बलियो हुनेछ,
    अनि यो मबाट आउँछ।
अब, यहूदाका मानिसहरूका विरूद्ध
    म मेरो न्याय घोषणा गर्नेछु।”
¹³ हेर! शत्रु बादल झैं आउँदैछ।
    उसको रथ हुरी झैं चल्छ,
    घोडाहरू चीलहरू भन्दा छिटा छन्।
हामीलाई धिक्कार छ, हामी नष्ट भयौं।

¹⁹ हाय मेरो वेदना, मेरो वेदना!
    म मनोव्यथामा छु! हे मेरो हृदय!
मेरो मुटुले मभित्र प्रहार गरिरहेछ।
    म चूपचाप बस्न सक्तिनँ,
किनभने मैले तुरहीको आवाज सुनेको छु।
    अनि तुरहीले, सैनिकलाई युद्ध तर्फ बोलाइरहेछ।
²⁰ ध्वंसपछि ध्वंस आउँछ।
    सम्पूर्ण देशनै ध्वंस भयो।
हटात मेरा पालहरू पनि ध्वंस भए।
    मेरा पर्दाहरू च्यातिए र तल झारिए।
²¹ परमप्रभु, कहिले सम्म मैले युद्धको झण्डाहरू हेर्नु नै पर्छ?
    कहिले सम्म मैले युद्धको तुरहीहरू सुन्नै पर्छ?

²³ मैले पृथ्वीमा हेरें यो खाली थियो;
    यसमा केही पनि थिएन्।
मैले आकाशमा हेरें,
    अनि यसको प्रकाश धीमा भइसकेको थियो।^[a]
24 मैले पर्वतहरूलाई हेरें,
    अनि तिनीहरू कामिरहेका थिए।
    सारा पहाडहरू हल्लिरहेका थिए।
²⁵ मैले हेरें, तर त्यहाँ कोही पनि थिएन।
    अकाशका सारा चरा-चुरूङ्गीहरू उडिसकेका थिए।
²⁶ मैले हेरें, अनि मलिलो भूमि, मरुभूमि भयो।
    त्यस भूमिमा भएका सबै शहरहरू नाश भए।
    यो परमप्रभुले नै गर्नुभयो, उहाँको क्रोधको प्रतिफल हो यो।