Marcus 6:38-44

Biblia Sacra Vulgata

³⁸ Et dicit eis: Quot panes habetis? ite, et videte. Et cum cognovissent, dicunt: Quinque, et duos pisces.

³⁹ Et praecepit illis ut accumbere facerent omnes secundum contubernia super viride foenum.

⁴⁰ Et discubuerunt in partes per centenos et quinquagenos.

⁴¹ Et acceptis quinque panibus et duobus piscibus, intuens in caelum, benedixit, et fregit panes, et dedit discipulis suis, ut ponerent ante eos: et duos pisces divisit omnibus.

⁴² Et manducaverunt omnes, et saturati sunt.

⁴³ Et sustulerunt reliquias, fragmentorum duodecim cophinos plenos, et de piscibus.

⁴⁴ Erant autem qui manducaverunt quinque millia virorum.