Marku 4:3-9

Albanian Bible

³ “Dëgjoni! Ja, doli mbjellësi të mbjellë.

⁴ Dhe ndodhi që kur hidhte farën, një pjesë e farës ra gjatë rrugës dhe zogjtë e qiellit erdhën dhe e hëngrën.

⁵ Një pjesë tjetër ra në gurishte, ku nuk kishte shumë dhe dhe mbiu menjëherë, sepse s’kishte një tokë të thellë.

⁶ Por, kur doli dielli, u dogj; dhe me që nuk kishte rrënjë, u tha.

⁷ Një pjesë tjetër ra midis ferrave; ferrat u rritën, e mbyten dhe nuk dha fryt.

⁸ Një pjesë tjetër ra në tokë të mirë, dhe solli frut që rritej, dhe u zhvillua për të dhënë njëra tridhjetë, tjetra gjashtëdhjetë dhe tjetra njëqind.”

⁹ Pastaj ai u tha atyre: “Kush ka veshë për të dëgjuar, le të dëgjojë!.”