Mark 10:5-9

Maori Bible

⁵ Na ka whakahoki a Ihu, ka mea ki a ratou, Na te pakeke o o koutou ngakau i tuhituhia ai e ia tenei kupu ako ki a koutou.

⁶ I te orokohanganga ia, i hanga raua e te Atua he tane, he wahine.

⁷ Mo konei ka mahue i te tangata tona papa me tona whaea, ka piri ki tana wahine;

⁸ Hei kikokiko kotahi hoki raua tokorua: na heoi ano to raua tokoruatanga, engari kotahi ano kikokiko.

⁹ Na, ko a te Atua i hono ai, kaua e wehea e te tangata.