Exodus 21:7-10

Biblia Sacra Vulgata

⁷ Si quis vendiderit filiam suam in famulam, non egredietur sicut ancillae exire consueverunt.

⁸ Si displicuerit oculis domini sui cui tradita fuerat, dimittet eam: populo autem alieno vendendi non habebit potestatem, si spreverit eam.

⁹ Sin autem filio suo desponderit eam, juxta morem filiarum faciet illi.

¹⁰ Quod si alteram ei acceperit, providebit puellae nuptias, et vestimenta, et pretium pudicitiae non negabit.