Actus Apostolorum 23:26-30

Biblia Sacra Vulgata

²⁶ Scribens epistolam continentem haec: Claudius Lysias optimo praesidi Felici, salutem.

²⁷ Virum hunc comprehensum a Judaeis, et incipientem interfici ab eis, superveniens cum exercitu eripui, cognito quia Romanus est.

²⁸ Volensque scire causam quam objiciebant illi, deduxi eum in concilium eorum.

²⁹ Quem inveni accusari de quaestionibus legis ipsorum, nihil vero dignum morte aut vinculis habentem criminis.

³⁰ Et cum mihi perlatum esset de insidiis quas paraverant illi, misi eum ad te, denuntians et accusatoribus ut dicant apud te. Vale.