Add parallel Print Page Options

Yajika, nukniwan ne tayulmatit, ne kipiat ne tanutzalis ipal ne ilwikak ka ikajku, shikishketzakan ne titanijtuk wan weypalej ipal ne tutayulmatilis, Yeshu: yaja melawak ipal ne ká kituktij, ken Moshe ká nusan melawak katka ipal muchi ne ikal; ika muita ka yajuni tzitzinaka mas que Moshe, ken ká ne kiketzki ne kal kipia mas wey honor que ne kal isel.

Ika muchi ne kajkal sesan kinketzki. Wan ne Teut, yaja kiketzki muchi. Wan melka Moshe melawak katka tik muchi ne ikal ken tekitini pal tikmatit tay ne inaskiat nemanha, ne Mawaltijtuk ijkiuni ijpak ne ikal, wan tejemetsan ne ikal.

Neka ijkiunisan ken ina ne Ijiutzin ipal Teut:

    Ashkan asu ankikakiskiat ikupak, ma inte takwawayakan ne anmuyujyulu ken tik ne teajwalis ipal ne taejekulis tik ne kojtan kan ne anmutejteku taejekujket pal tachiat ken ijtuk wan kitaket ne nutekiw 10 tik ume pual shiwit; neka nikwalanik iwan muchi yejemet, wan ninak: "Senpa mushijshikuat inyujyulu. Yejemet inte kishmattiwit ne nujnuuj." 11 Wan nikchijki jurar tik nukwalan: "Inte kalakisket ijtik ne nusewilis!"

12 Shiktalikan cuidadoj, nukniwan, ma nian se anmejemet kipia tik iyulu ne inteyek ipal inte-tayulmatilis ne kiajkawa ne Teut yultuk, 13 asunte shimutajtanikan anmejemetsan mujmusta, senpa ka munutza ne tunal pal ashkan, ma inte takwawaya se anmejemet wan ma inte mushijshikua iwan tay inteyek, 14 ika tikpiat ne Mawaltijtuk senpa asu tikmatit yek tik tuyulu hasta ma tami muchi, 15 wan asu tinat:

    "Ashkan asu ankikakit ne ikupak,

    ma inte takwawaya anmuyujyulu ken tik ne teajwalis."

16 Ika kámet takakket wan teajwaket? Anka inte muchi ne kisket tik Egipto ipanpa Moshe? 17 Ká iwan kwalanik tik ume pual shiwit? Anka te ne tateyekchiwanit ne mikiket tik ne kojtan? 18 Ká ipanpa kichijki jurar ka inte kalakisket tik ne isewilis, asunte ne inte tayulmatket? 19 Tikitat tel ka yejemet inte weliket kalakit ika inte tayulmatket.